Na Bhookh Na Pyaas
Jane Kis Chiz ki Talaash
Na Josh Na Umang
Jane Kaha Khoya hai Man
Na Ansoo Na Hansi
Jane Kiska Hai Intezaar
Na Nind Na Aram
Jane Kya Kar Rahi Bechain
Ek Darr Sapno ke Bikharne Ka
Ek Nirasa si Jo Layi Hai
Umeed ki Kiran Kahi Door se Jhank Rahi
Sayad Paas a Paye
Ya Phir Uske bhi Bichadne ka Darr
Kahi Nahi Pahuch Pane ka Darr
Adhure ek Sngarsh mein hi Kho Jane ka Darr
Bheed mein Khud ko Bhul Jane ka Darr
Insan se Machine Ban Jane ka Darr
Aur Phir usi ko hakikat Samajh Lene ka Darr
Kabhi na Azad ho Pane ka Darr
Gulami mein Ghut Ghut ke Khud ko hi Bhul Jane ka Darr
Zinda Hote hue bhi Apni hi Rooh ki Baat na Samajh Pane ka Darr
Darr...
(From the pages of my Dairy, written on 29th Jan 2018)